«ሕፃናት ወደ እኔ ይመጡ ዘንድ ተዉአቸው አትከልክሉአቸውም፤ የእግዚአብሔር መንግሥት እንደ እነዚህ ላሉት ናትና።» ሉቃ 18:16

ኦክላንድ፥ ካሊፎርንያ፦ በኦክላንድ ደብረ ሰላም እየሱስ የኢ.ኦ.ተ.ቤ.  በተካሄደው የወጣቶች ጉባዔ ከፍተኛ ቁጥር ያላቸው ወጣቶችና ታዳጊዎችን ያሳተፈ የወንጌልና የስነምግባር ትምህርት በቀሲስ ሠይፈሥላሴ ተሠጥቷል። ከ ኖቬምበር 8 እስከ 10 ለሶስት ቀናት የተደረገው ይህ የመጀመሪያ ጉባዔ ቀጣይነት እንዲኖረው የቤተክርስትያኒቱ አስተዳዳሪ መላዕከብርሐን ባለው ለጉባዔው አዘጋጆችና ለወላጆች በአፅንኦት ጠይቀዋል።

የልጆች መንፈሳዊ ጉባዔ በሳንፍራንሲስኮ

  ሳንፍራንሲስኮ: ካሊፎርንያ-  ታላቅ የልጆች መንፈሳዊ ጉባዔ በደብረ ይድራስ ቅዱስ ጊዮርጊስ ወኪዳነምህረት ቤተክርስትያን አዘጋጅነት በሳንፍራንሲስኮ ከተማ ተካሄደ።  

ይህ ከወትሮው በተለየ ልጆችን ያማከለ ጉባዔ ህፃናቱ አፍ በፈቱበት በእንግሊዝኛ ቋንቋ መሰጠቱ የጉባዔው መልዕክት በቀላሉ ለልጆች እንዲደርስ አስችሎታል። በዚህ ጉባዔ ላይ ከደብረ ሠላም እየሱስ ቤተክርስቲያን የፊደል ገበታ ክፍል ከ 29 በላይ ህፃናትና ልጆች ተሳትፈዋል።